Подписывайтесь на канал Tengrinews.kz в WhatsApp
22 апреля 2018 13:13

Алматыда жол ережесін өрескел бұзған қызыл нөмірлі көлік иесі ұсталды

ПОДЕЛИТЬСЯ

Видео кадрлары Видео кадрлары

Алматыда жол қозғалысы ережесін өрескел бұзып, артынша жолда жанжал шығарған қызыл нөмірлі көлік иесі ұсталды, - деп хабарлайды Tengrinews.kz тілшісі Алматы қалалық ІІД-нің Жергілікті полиция қызметі іздеу бөлімінің басшысы, полиция подполковнигі Ерік Насырбековке сілтеме жасап.


Алматыда жол қозғалысы ережесін өрескел бұзып, артынша жолда жанжал шығарған қызыл нөмірлі көлік иесі ұсталды, - деп хабарлайды Tengrinews.kz тілшісі Алматы қалалық ІІД-нің Жергілікті полиция қызметі іздеу бөлімінің басшысы, полиция подполковнигі Ерік Насырбековке сілтеме жасап.

Оның мәліметінше, жол қозғалысы ережесін өрескел бұзған ер адам кеше, 21 сәуірде ұсталған. Сөйтсек, ол жалған нөмір тағып алған болып шықты.

"Алматы қалалық ІІД-нің Жергілікті полиция қызметі іздеу бөлімінің қызметкерлері Lada көлігін жүргізген 1996 жылғы ер адамды ұстады. Ол 17 сәуірде Әкімшілік заңнаманың бірнеше нормасын бұзған. Нәтижесінде оған қатысты үш әкімшілік хаттама толтырылды: біріншісі - 596-баптың 3-бөлігі ("жолдың жүру бөлiгiнiң қарсы бағытта жүруге арналған жағына, оның ішінде кері бұрылып немесе бұрылыс жасап шығу), Екіншісі - 590-бабының 2-бөлігі ("Мемлекеттiк тiркеу нөмiрi белгiлерi (белгiсi) жоқ немесе пайдалануға тыйым салынғаннан кейiн немесе белгiленген тәртiппен тiркелмеген көлiк құралын басқару"), Үшіншісі - 590-баптың 3-бөлігі ("Көлiк құралына көрiнеу жалған немесе қолдан жасалған мемлекеттiк тiркеу нөмiрi белгiлерiн (белгiсiн) орнату")", - деп хабарлады ведомство өкілі. 

Жүргізуші өз кінәсін толықтай мойындап отыр екен. Енді тиісті шешім қабылдау үшін іс материалдарының әкімшілік сотқа жолданғаны хабарланып отыр. 

Айта кетсек, бірінші бап бойынша кінәлі деп танылса, жүргізуші алты ай мерзімге көлік құралдарын басқару құқығынан айырылуы мүмкін, ал қалған екі баптың бөліктері бойынша айыбы дәлелденсе, барлығы 25 АЕК көлемінде айыппұл арқалауы мүмкін.

Мұның алдында ҚР СІМ өкілдері Алматыда жол қозғалысы ережесін өрескел бұзған "дипломатиялық нөмірлі көлікке" қатысты пікір білдірген болатын. Министрліктің баспасөз қызметі өкілдерінің айтуынша, видеодағы көліктің нөмірі Беларусьтің Қырғызстандағы елшілігіне тіркелген. Ал өз кезегінде Беларусьтің Қырғызстандағы елшілігіндегілер Tengrinews.kz тілшісіне бұл D 09 007
мемлекеттік нөмірінің ақ түсті Hyundai маркалы көлікке тіркелгенін, ал видеода "ВАЗ" автокөлігі көрсетілгенін хабарлаған еді. Яғни жүргізуші жалған нөмір таққан.

Еске салайық, оқиға Алматыдағы Әуезов - Жамбыл көшелерінің қиылысында болған. Оқырман жолдаған роликте қызыл нөмірлі Lada көлігінің жүргізушісі қарсы бағыттағы жолмен жүріп, оған қарсы келген көлік жүргізушісімен жанжалдасады.

Читайте также
Join Telegram

Курс валют

 448.15   483   4.85 

 

Погода

 

Редакция Реклама
Социальные сети